Um CR147 tëscht dem Bricherhaff a Kanech ware kuerz viru 17.30 Auer zwee Autoen net laanschtenee komm. Zwou Persoune goufe beim Accident blesséiert a vun de Rettungsdéngschter aus der Stad, vu Réimech a vu Kanech versuergt.
E puer Minutte méi spéit waren d’Rettungsekippe vum SaDiff, Péiteng a Monnerech op Déifferdeng an d’Rue Emile Mark geruff ginn. Hei hat eng Maschinn Feier gefaangen. Et koum awer keng Persoun zu Schued.
D’Ambulancieren aus der Stad an d’Pompjeeë vu Mamer waren da géint 21.26 Auer op der N34 tëscht dem Rond-point Bourmicht an dem Bartrenger Rond-point am Asaz, well en Automobilist mat sengem Gefier an e Verkéiersschëld gerannt ass.
Um Schlammestee a Richtung Alzeng hat et kuerz virun 23 Auer an engem Auto gebrannt. Och hei waren d’Ambulancieren aus der Stad, grad ewéi d’Pompjeeë vu Weiler zum Tuer op der Plaz.
