E Méindeg den Owend huet zu Wolz ee Chauffer probéiert, mat héijer Vitess laanscht eng Policekontroll ze kommen. No enger kuerzer Course-poursuite konnt eng Patrull den 22 Joer ale Mann awer stoppen. Bei der Kontroll koum eraus, datt et géint de jonke Mann schonn ee Fuerverbuet gouf - hien hätt dohier net dierfen hannert dem Steier sëtzen.
Wéi d’Police sech den Auto méi genee ugekuckt huet, hunn d’Beamten dunn och nach e bëssen Haschisch am Mann sengem Won fonnt. Op Uerder vum Parquet gouf de Mann festgeholl. En Dënschdeg de Moien huet den Untersuchungsriichter dunn decidéiert, Haftbefeel géint de Mann ze erloossen.
