Vum 1. Mee bis den 30. September ass d’Schwammsaison zu Lëtzebuerg nees op. Nieft dem Stauséi dierf een da vun e Mëttwoch un och rëm am “Wämper Séi” zu Wäiswampech, am Iechternacher Séi an an de Baggerweier zu Rëmerschen schwamme goen.
Wéi d’Waassserwirtschaftsamt matdeelt, gëtt d’Qualitéit vun de Gewässer reegelméisseg kontrolléiert an analyséiert. Um Enn vun der leschter Saison war d’Qualitéit zu Wäiswampech, um Stau a gréisstendeels och zu Rëmerschen “excellent”. Ee vun de Baggerweier gouf als “gutt” klasséiert, grad ewéi d’Waasserqualitéit an deem Beräich am Séi zu Iechternach, wou ee schwamme kann.
Déi genee Zonen a Kontrollpunkten kënnt Dir um Site vum Waasserwirtschaftsamt nokucken.
