Et ass och net eréischt zanter leschtem Joer, dass dës Raup präsent ass, ma schonns e puer Joer. E besidelt, wéi säin Numm et verréit, an der Haaptsaach Eechen a ka fir gesondheetlech Problemer bei Mënsch an Déier suergen. Wien a Kontakt mat de Brennhoer kënnt, soll dës direkt ofwäschen, respektiv ofduschen.
Enn Mee hat d’Stad Lëtzebuerg jo schonn eng Warnung erausginn, well déi kleng Raupen op e puer Plazen, zum Beispill um Cents, zu Hamm, Bouneweg an um Kierchbierg, gesi goufen.
D’Gefor kënnt duerch déi sougenannte Brennhoer, déi vum drëtte Larvestadium un entstinn. Si enthalen Nesselgëft, dat allergesch Reaktiounen ausléist. D’Suitte sinn e staarke Bass, d’Haut ka sech entzünden, d’Otemweeër an d’Ae gi gereizt.
Wien a Kontakt mat de Brennhoer kënnt, soll dës direkt ofwäschen, respektiv ofduschen. Och d’Gezei soll deen Ament gewäsch ginn. Bei méi staarke Reaktiounen ass et recommandéiert bei en Dokter ze goen.
