Wéi d’Police e Freideg de Moie mellt, hunn Onbekannter d’Geleeënheet genotzt, fir am Parkhaus an der Rue d’Ostende, tëscht 19.45 an 23 Auer wärend dem Futtballsmatch tëscht dem F91 a Qarabag, d’Fënstere vun e puer Autoen anzeschloen. 7 Ween goufen esou opgebrach an duerchwullt.
Geklaut gouf ënner anerem e schwaarze Rucksak mat engem Macbook Pro, Kopfhörer an e Bic vun der Mark Montblanc, eng lieders Sacoche mat enger Tablet, eng Enveloppe mat Boergeld, en Dammemantel an een iPhone-Kabel.
D’Police ermëttelt.
RTL NEWS: Dron provozéiert Match-Ënnerbriechung Op Twitter hat ee Visiteur, dee wuel selwer betraff war, gemellt, dass Onéierlecher am Parkhaus an der Géigend vum Stade Josy Barthel um Wierk waren.
