Dës ganz Woch si keng Chamber-Sessiounen. Dat huet d'Conférence des Présidents e Mëttwoch de Moien decidéiert.

Um Dënschdeg gouf jo den Doud vum Eugène Berger an der Chamber annoncéiert. D'Sessioun gouf doropshi komplett opgehuewen. D'Sëtzunge fir de Rescht vun der Woch sinn ofgesot.

Fändele virun der Chamber
Dës ganz Woch si keng Chamber-Sessiounen. Dat huet d'Conférence des Présidents e Mëttwoch de Moien decidéiert.

Den normale Programm leeft an der Woch vum 4. Februar. D'Aarbecht an de Chamberkommissiounen geet wéi virgesinn weider.

Et géif ee mat der Famill kucken, fir d'nächst Woch eng Trauerzeremonie z'organiséieren, sot de Chamberpresident Fernand Etgen e Mëttwoch de Moien:

De Fernand Etgen
Dës ganz Woch si keng Chamber-Sessiounen. Dat huet d'Conférence des Présidents e Mëttwoch de Moien decidéiert.

"Déi ganz Chamber ass nach ëmmer ganz bestierzt vun der schrecklecher Nouvelle vum Doud vum Eugène Berger. Ech mengen, d'Chamber huet de Moien och d'Fändelen op Hallefmast gesat gehat. A mir hunn dann natierlech och decidéiert, datt dës Woch op Grond vun deenen Ëmstänn de Chamberprogramm ofgesot ass. Déi nächst Woch sinn och Reunioune vum Conseil de l'Europe, sou datt mer dann och keng vun deene Sitzunge kënnen nohuelen. Sou datt deen normale Chamberprogramm de 4. Februar erëm wäert ulafen, ebe mat deene Punkte vum Ordre du jour, déi dës Woch ausgefall sinn."

Gilles Baum Iwwergangs-Fraktiounspresident

An der DP-Fraktioun huet de Gilles Baum elo mol bis op Weideres dem Eugène Berger seng Funktioun als Fraktiounspresident iwwerholl. D'Partei hat virgesinn, datt den Ost-Deputéierten 2021 den Eugène Berger sollt als Fraktiounschef ofléisen. Hie wéilt awer, datt d'Fraktioun doriwwer sollt ofstëmmen, wa se nees komplett ass, sou de Gilles Baum e Mëttwoch de Moien. D'Deputéiert a senger Partei misste sech elo ustrengen, fir sech Kompetenzen unzëeegnen.

"Mir verléieren net nëmmen e ganz engagéierte Politiker, mä vill vun eis verléieren haaptsächlech e Frënd. Den Eugène, an dat hunn déi vill Messagen, déi mer gëschter kritt hu gewisen, war ganz beléift bei de Leit. E war vill dobausse bei de Leit, en hat en oppent Ouer an et war e ganz engagéierte Politiker, dee sech agesat huet, fir de Leit ze hëllefen an op all deenen Ebenen, op deenen en aktiv war. An der Gemeng als Conseiller, als Staatssekretär an der Regierung, als Deputéierten an natierlech och als Fraktiounschef huet e sech agesat fir déi Saachen, déi ëm wichteg waren, fir seng Idealer. Säi Motto war an der Politik net anescht wéi am Sport, wann e sech eppes virgeholl huet, dann huet en et duerchgezunn. Hien huet sech agesat fir seng Iddien, en huet gekämpft bis dat him dat gelongen ass, fir dat e sech agesat huet."

Nächstgewielten am Süd-Bezierk op der DP-Lëscht ass den Escher Schäffe Pim Knaff, deen da warscheinlech fir de verstuerwenen Eugène Berger wäert noréckelen.

Weidere an der Institutiounekommissioun

De Mars di Bartolomeo gëtt President vun der Institutiounekommissioun. Den Alex Bodry ass jo dës Woch bei de Staatsrot gewiesselt.

Kuerzfristeg soll et eng Entrevue gi mam Staatsrot, fir sech iwwer d'Reform vun der Verfassung ze beroden.