Déi lescht Deeg gouf dës nei Struktur an der Luxexpo um Kierchbierg installéiert. E Méindeg de Mëtteg ass se opgaangen.

Andréck aus der Luxexpo vum Annick Goerens

Lëtzebuerg ass zanter e Méindeg an der Phas 2 am Kampf géint de Coronavirus. An der Phas 1 gouf op d'Maison medicale gesat. An der Phas 2 elo, verstäerkt op Téléconsultatioun mam Hausdokter. A jee no Symptomer, kënnt een dann, an ee vu 4 sougenannte "Centres de soins avancés". Nei Strukturen déi an de nächsten Deeg operationell ginn.

Den Ufank huet e Méindeg de Mëtten deen an der Luxexpo um Kierchbierg gemaach. Duerno ginn, no an no, d'Zentren zu Esch an der Rockhal, an der Däichhal zu Ettelbréck an dem Centre Culturel zu Gréiwemaacher op.

Déi véier Sitte fir déi nei Centres de soins avancés hu virop eppes gemeinsam: Si bidde vill Plaz. Vill Plaz fir méiglecherweis ganz geschwënn vill Patienten. Déi nei Zentre solle genuch Capacitéiten hunn fir d'Demande aus dem ganze Land kënnen ofzedecken. An d'Patiente sollen direkt kënnen an zwou verschidde Filièren orientéiert ginn.

D'Paulette Lenert: „Dat wat en Place gesat gëtt, dat ass eng Schleis mat zwou Filièren, wou mer wierklech eng ganz kloer Trennung kënne maachen tëscht potentielle Covid-Patienten an anere Patienten. Dat si Schleisen, déi ee sech esou muss virstellen: Dat ass wierklech esou getrennt, dass ee vu vir bis hannen doduerch geet, dass déi Separatioun queesch doduerch leeft, vum Accueil, iwwert den Diagnostik, iwwert den Testing, dat heescht an dëse Strukture wäerten och Tester gemaach ginn. Dëst a ganz enker Zesummenaarbecht mat de Privatlaboen.

All Zenter schafft da mat engem bestëmmte Labo zesummen. Hei soll méiglechst effikass kënne geschafft an d'Kompetenze ganz cibléiert agesat ginn.

D'Paulette Lenert: „D'Iddi ass, dass alles op enger Plaz gemaach gëtt. Dëst fir dass et méiglechst effizient ass, dass et professionell ass, dass mer d'Leit, déi do schaffen, wierklech kënnen dorobber forméieren, dass si déi néideg Precautioune kënnen huelen am Ëmgang mat de Patienten an dass mer och vun eiser Säit aus eng bescht Vue op déi ganz Evolutioun vum Coronavirus hei zu Lëtzebuerg kréien.

Déi nei Zentren ersetzen d'Maisons médicales, déi bis ewell fir den Accueil vu Corona-Patienten zoustänneg waren. Wien awer elo Symptomer wéi Houscht a Féiwer huet, soll net direkt heihi kommen, ma fir d'éischt dem Hausdokter uruffen. Wann deen da jugéiert, dass ee soll en Dokter gesinn, kritt ee vum Hausdokter eng Ordonnance, fir an ee vun den neie Centres de soins avancés ze goen.

Schreiwes vun der Luxexpo The Box

Ab Montag, den 23. März an wird eine der vier temporären Pflegestationen bei Luxexpo The Box installiert werden. Dies wurde am frühen Nachmittag von Gesundheitsministerin Paulette Lenert angekündigt.

Das Pflegezentrum wird zwei Hallen einnehmen, die dann für die Durchführung von Diagnosen ausgestattet werden. Auf dem Nordparkplatz wird ebenfalls ein großes Zelt errichtet.

Diese Sonderinstallation erfolgt nach enger Abstimmung zwischen den Behörden und Luxexpo The Box. Ein Teil des Teams des Ausstellungs- und Kongresszentrums ist bereits vor Ort, um den Aufbau der Pflegestationen unter den besten Bedingungen und so schnell wie möglich voranzubringen.

"Wir sind stolz darauf, unseren Beitrag zum Regierungsvorgehen zur Überwindung des Virus leisten zu können, und werden alle Unterstützung bringen, die wir geben können. " sagt Morgan Gromy, Geschäftsführer von Luxexpo The Box.

Die COVID-19-Pandemie trifft den ganzen Event-Bereich des Landes. Das Luxexpo The Box-Team bereitet derzeit seinen Neustart, sobald die Krise überstanden ist, vor. „Wenn diese Krise vorbei ist, wird das Bedürfnis nach Verbundenheit groß sein. Genau dazu werden unsere Veranstaltungen da sein. " teilt uns der Geschäftsführer von Luxexpo The Box mit.

Autor: Luxexpo The Box

Rockhal zu Esch/Uelzecht

Den neie "Centre de soins avancés" an der Rockhal mécht en Dënschdeg um 14.00 Auer seng Dieren op. D'Maisons médicales ginn an der sougenannter "Phas 2" zougemaach, d'Patiente ginn elo an de 4 Zentren uechtert d'Land verdeelt ënnerbruecht.

Vun 8 Auer moies bis 20 Auer owes gi Leit mat Otemproblemer hei empfaangen. De Wee fir dohin ass gezeechent. Wie mam Auto bei d'Rockhal fiert, ass gebieden, den CFL-Parking ze benotzen.

Méi Informatioune fannt Dir am offizielle Communiqué.