Vun e Samschdeg de Moie 7 Auer u sinn d'Grenze fir familiär Visitten a "Courses alimentaires" wéi "non alimentaires" nees op.

De Jean Asselborn am RTL-Interview

"D'Grenzen zoumaachen geet gewéinlech am Hau-Ruck, se erëm opmaachen, do brauch een Nerven an e wéineg vill Asaz", dat sot de Lëtzebuerger Ausseminister Jean Asselborn e Freideg den Owend an enger éischter Reaktioun am RTL-Interview.

Et hätt e bësse gedauert mat eise belsche Frënn, mä Lëtzebuerg an d'Belsch si sech um Freideg den Owend eens ginn, datt d'Grenze vun e Samschdeg un zum Deel erëm op sinn.

"Ech muss soen, ech hat dat e gewëssene Moment opginn dës Woch, well immens vill Sand do am Motor war a mer hunn ëmmer nees Ueleg missten eraschëdden, fir dass et weider géing goen, mä wat mer fäerdeg bruecht hunn, op béide Säiten, dat ass, datt mer op engem wichtege Punkt, nämlech d'Famillje-Visitten, dass mer dat erëm hikritt hunn.

D'Kanner, déi an der Belsch wunnen, kënnen op Lëtzebuerg bei hir Eltere kommen, Elteren, déi an der Belsch wunnen, kënne bei hir Kanner kommen. Do gëtt et warscheinlech Kanner, déi op d'Welt komm sinn, déi awer nach net hir Groussmamm oder hire Grousspapp zu Lëtzebuerg gesinn hunn. Dat heescht all déi Visitten, aus Lëtzebuerg an d'Belsch an aus der Belsch op Lëtzebuerg, déi sinn erëm méiglech."

Nieft dem Besuch bei der Famill, kann een och erëm op där anerer Säit vun der Grenz akafen:

"Wéi d'Belsch soen "les courses alimentaires et non-alimentaires". Dat heescht d'Belsch konnte jo ëmmer bei eis an d'Land komme fir egalwat a mir kënnen och elo an d'Belsch fueren, wa mer wëllen do akafen."

Nach ass d'Situatioun awer net déi selwecht wéi virun der sanitärer Kris, dat ass wichteg ze betounen. De Jean Asselborn mécht drop opmierksam, datt d'Belsch verschidde Saachen nach net erlaben.

"Et muss ee ganz gutt do oppassen. Normalerweis, dat ass déi Informatioun, déi mir vun der belscher Ambassade hunn, ass den Transit net erlaabt a wann ee fiert, muss ee sech informéieren op der belscher Ambassade, well et sinn heiansdo Changementer do dran, mä am Prinzip ass den Transit nach net op. Och net d'résidences secondaires. Wann een eng résidence secondaire huet zu Knokke, zu Lombarsijde oder zu Ostende do kann een nach net als Lëtzebuerger dohinner fueren. Ech ginn dovunner aus, datt dat héchstwarscheinlech den 8. oder 15. Juni wäert de Fall sinn. Ech géif och mengen, datt mer nom 1. Juli, spéitstens,  an der Belsch kënne Vakanz maachen."

Esou wäit de Jean Asselborn also e Freideg den Owend iwwert déi nei Situatioun op de Grenzen tëschent der Belsch a Lëtzebuerg.

De Jean asselborn war e Freideg Invité am Live!

Live! Planet People
Den Talkmagazin um Freidegowend, e flotte Mix aus aktuellen Themen an interessante Leit.

Schreiwes vum Ausseministère

Assouplissement des contrôles à la frontière avec la Belgique
Communiqué par: ministère des Affaires étrangères et européennes Le ministre des Affaires étrangères et européennes, Jean Asselborn, a salué la décision prise aujourd'hui par le gouvernement fédéral belge d'autoriser de nouveau les visites familiales entre le Luxembourg et la Belgique, ainsi que les courses alimentaires et non-alimentaires transfrontalières, et ce à partir de demain, le 30 mai 2020 à 7h00. Selon le ministre Asselborn « il s'agit d'un geste apprécié à la veille du week-end de la Pentecôte qui permettra aux familles de se revoir après des semaines de séparation ».

« La décision prise aujourd'hui par le gouvernement fédéral devrait contribuer à désamorcer une situation qui reste difficile à notre frontière avec la Belgique. Nous poursuivrons notre dialogue avec les autorités belges en vue d'une levée progressive des mesures restrictives qui restent encore en place. L'objectif ultime reste bien sûr la levée de toutes les entraves à la libre circulation» a encore précisé le ministre. Un comité ad hoc belgo-luxembourgeois a été constitué avec comme mission d'identifier le plus en amont possible les questions qui se posent dans le cadre de réouverture progressive de la frontière avec la Belgique.