De Projet Fage gehéiert der Vergaangenheet un. D'Informatioune vun RTL huet de Wirtschaftsminister Fayot elo an engem Schreiwes confirméiert.

Fir de Wirtschaftsministère ass et eng schlecht Nouvelle fir den Industrie-Standuert Lëtzebuerg.

4 Joer nodeems déi griichesch Molkerei d’Demarchen entaméiert huet, fir eng Fabrick an der Industriezon Wolser tëscht Diddeleng a Beetebuerg ze bauen, zitt sech de griichesche Jughurts-Produzent zréck.

RTL-Informatiounen no goufen et déi lescht Deeg nach Verhandlunge mam Wirtschaftsministère, nach en Dënschdeg de Moien eng vun der „leschter Chance“. D'Wierfele sinn elo effektiv gefall an de Projet gëtt net vum griichesche Grupp Fage realiséiert. Dëst huet de Wirtschaftsminister op Basis vun enger urgenter parlamentarescher Fro vun der CSV virun der Chamber confirméiert.

Fage zitt Projet zeréck / Rep. Annick Goerens

280 Milliounen Euro a ronn 300 Aarbechtsplazen

Et war wuel ze laang Zäit vergaangen, bis datt d’Baggere konnte rullen an déi rezent Diskussioune ronderëm d’Nohaltegkeet vun dësem Industrieprojet vun enger Envergure vun 280 Milliounen Euro a ronn 300 Aarbechtsplazen hunn d’griichesch Investisseuren zum Réckzuch beweegt.

An der Kritik war och de Waasserverbrauch vu Fage mat engem Besoin vun 2.500 Kubikmeter Drénkwaasser, wat dem Konsum vun engen 23.000 Awunner den Dag entsprécht.

Geplangt war, datt eng 80.000 Tonne griichesche Jughurt d’Joer fir den EU-Maart géifen hei am Land fabrizéiert ginn.

2012 ewell hat Fage seng Holding hei am Land implantéiert, mat der Molkerei sollt industriell Substanz dobäi kommen.

De Minister Franz Fayot huet um Dënschdeg och an der Chamber reagéiert

Als Wirtschaftsminister géing hien déi Decisioun natierlech bedaueren. Enn d'lescht Woch huet Fage seng Decisioun matgedeelt, um Méindeg ware perséinlech Verhandlungen am Ministère, mä um Réckzuch sollt et näischt änneren.

4 Joer laang hätt de griicheschen Jugurtsproduzent sech hei am Land investéiert, fir eng Fabrick ze bauen um leschte Stand vun der Technik, sou de Franz Fayot.

Fir eng Jugurtsfabrick wär den Impakt op d'Ëmwelt geréng gewiescht. Déi rezent Diskussiounen an eventuell Reputatiounsschied hätte Fage derzou gedriwwen, de Projet net méi weiderzedreiwen, huet de Wirtschaftsminister gemengt.

De Franz Fayot an der Chamber

Wat den Terrain vun 15 Hektar ugeet, sou huet Fage dësen dem Staat zeréckverkaf. De griicheschen Investor mécht keng Plus-Value a kritt 30 Milliounen Euro zeréck, déi selwescht Zuel, déi och bezuelt gouf.

Mir brauchen eng Industrie zu Lëtzebuerg, sot ofschléissend virun den Deputéierten de Franz Fayot. Et kéint een net just eng Finanzplaz sinn a Servicer ubidden. Ëm neien Industrieprojet géing ee sech beméien.

Offiziellt Schreiwes um 14 Auer vum Ministère

Prise de position du ministre de l'Économie au sujet de l'abandon par FAGE de son projet d'investissement industriel (22.09.2020)

Communiqué par: ministère de l'Économie

En date du 17 septembre 2020, le groupe agroalimentaire FAGE a informé le ministère de l'Économie par courrier qu'il abandonne son projet de l'ordre de 277 millions euros pour construire une nouvelle unité de production de yaourt au Luxembourg supposée générer à terme environ 300 emplois. Lors d'une entrevue qui a eu lieu le lundi 21 septembre au ministère, les responsables de l'entreprise ont réitéré leur décision.

Le ministre de l'Économie, Franz Fayot, prend position: «En tant que ministre de l'Économie, je déplore que FAGE ait décidé d'abandonner son projet d'investissement industriel au Luxembourg après 4 années de procédures. Le projet aurait contribué au développement du tissu économique régional souffrant de la crise actuelle. L'industrie nationale et européenne traversent actuellement une phase difficile qu'il convient de contrecarrer de manière déterminée. La préservation du tissu industriel existant et son renforcement par l'implantation d'activités industrielles nouvelles à la pointe du progrès technologique et environnemental demeurent plus que jamais une des priorités du ministère de l'Économie.»

Les responsables de FAGE vont rétrocéder le terrain dans la zone d'activité économique Wolser à l'État au prix d'acquisition.