Op Silvester gëtt gären emol Freedefeier ofgeschoss. Ma ouni Autorisatioun vun der Gemeng, ass dëst op ville Plazen net erlaabt.

Autoriséiert oder deels autoriséiert:

Zu Dippech ass d'Freedefeier erlaabt tëscht 0 an 0.15 Auer.

Genee sou wéi och zu Veianen oder zu Garnech. An der Gemeng Biwer ass d'Freedefeier och erlaabt, d'Gemeng rappelléiert awer nach emol, dass een haftbar ass, wann et zu Bränn oder anere Schied duerch d'Rakéite géif kommen.

An der Stad ass et dem Règlement général de police vun der Stad Lëtzebuerg (Artikel 33) no verbueden, Freedefeier am ëffentleche Raum ouni eng Autorisatioun vum Buergermeeschter lass ze loossen. D’Stad Lëtzebuerg deconseilléiert d’Schéisse vu Freedefeier oder Knupperten och op privaten Terrainen, am Respekt vun der Noperschaft an den Déieren.
An der Gemeng Préizerdaul ass et erlaabt, tëscht 23.30 an 0.30 ze schéissen.

An der Gemeng Pëtschent ass d'Freedefeier net ausdrécklech verbueden, ma déi Gemengeresponsabel leeën de Leit un d'Häerz, dorop ze verzichten. Genee d'selwecht ass et an der Gemeng Réiser.

Jonglënster rifft d'Awunner op, fir verantwortungsvoll mat dem Freedefeier ëmzegoen. D'Ofschéissen a Géigende vu Gebaier wier awer verbueden. D'Leit sinn och opgeruff, fir sech zäitlech a quantitativ anzeschränken.
An de Gemenge Kielen an Helperkanpp si Freedefeier a Knupperten an den Uertschaften an och an engem Ëmkrees vu bis zu 100 Meter ronderëm d'Limitte vun den Uertschafte verbueden. De Buergermeeschter mécht do dëst Joer och keng Exceptioun.

Vu Schëtter heescht et, datt een d'Leit oprifft, kee Freedefeier ze notzen. Wien awer net kann drop verzichten, soll sech u verschidde Reegelen halen, wéi ënner anerem dat just eng Véierelsstonn virun an no Mëtternuecht ze maachen.

Zum Joresenn mécht de Schäfferot vun der Gemeng Wal een Opruff, d'Ofschéisse vu Freedefeier, Knupperten a Rakéite sinn ze loossen, dëst am Interessi vun der Sécherheet vun de Mënschen, den Déieren, de Gebaier an der Ëmwelt. Ofgesi vum Kaméidi a vum Knascht, ëm dee sech dacks herno kee méi këmmert, riskéieren dës schlecht Gewunnechten an den aktuell schwieregen Zäite besonnesch déi Leit ze stéieren, déi am meeschten ënnert der Situatioun leiden.

D’Policereglement vun der Gemeng Munneref schreift vir, dass ee just op Demande hin, mat enger Autorisatioun vum Buergermeeschter dierf Freedefeier lassloossen. Dëst ass onofhängeg dovun, ob d‘Freedefeier privater oder net-privater Natur ass an och onofhängeg vum Dag. Dës Dispositioun gëllt also och fir Silvester. D’Reglement gesäit do keng Ausnamereegelung vir.

Net erlaabt:

Ärenzdallgemeng
Bäerdref
Bartreng
Biekerech
Bech

Beefort
Beetebuerg
Bettenduerf
Biissen

Bous

Buerschent
Contern
Colmer-Bierg
Déifferdeng
Dikrech
Diddeleng
Duelem
Ëlwen
Esch/Sauer
Esch/Uelzecht
Ettelbréck
Feelen
Fëschbech
Fiels
Fluessweiler
Gréiwemaacher
Habscht
Hesper
Hiefenech
Ierpeldeng un der Sauer

Käerjeng
Keel
Kiischpelt
Klierf

Konsdref
Koplescht
Käerch

Leideleng
Lenneng-Kanech
Luerenzweiler
Mamer
Manternach
Mäertert
Mäerzeg
Miersch
Monnerech
Nidderaanwen
Noumer

Parc Housen
Péiteng
Rammerech

Reckeng op Mess

Réiden un der Atert
Réimech
Rëmeleng
Rouspert Mompech
Schëffleng
Schengen
Schieren
Stauséigemeng
Steesel
Stengefort
Stroossen
Suessem
Viichten
Wäiswampech
Waldbëlleg
Waldbriedemes
Weiler-zum-Tuer
Wëntger
Wolz

Kee Freedefeier? D'Fanfare Déifferdeng huet d'Léisung
Si interpretéieren nämlech de Sond "Fireworks" vum Katy Perry.

Feelt är Gemeng an eiser Oplëschtung?

Deelt eis mat, ob är Gemeng Freedefeier dëst Joer erlaabt oder net. Schéckt dofir einfach eng Mail un "ofgesot@rtl.lu", am Beschte mam Communiqué, dem Schreiwes oder der Internetsäit vun ärer Gemeng, wou een dës Informatioune fënnt. Einfach Text-Emailen ouni Dokument, respektiv Link, vun net-offiziellen Email-Adressen, ginn net matgeholl.

Sollt är Gemeng net an dëser Lëscht stoen, frot am Beschte bei hinnen no, ob et an ärer Géigend erlaabt gëtt, fir Freedefeier ofzeschéissen.