Nom Rumouers beim Spidolsgrupp Robert Schuman waren e Méindeg d'Verwaltungsréit vun de béiden Entitéiten, der SA an der Fondatioun beieneen, fir iwwer personell Changementer an der Gouvernance ze decidéieren.
Deemno ginn eise Sourcen no souwuel de Jean-Louis Schiltz, grad wéi och de Michel Wurth hir Posten als President respektiv Vize-President vun der SA vum Spidolsgrupp of.
RTL-Informatiounen no hate Schiltz a Wurth dës Charge am Mee zejoert iwwerholl, woubäi dunn awer ewell fixéiert gi war, datt d'Leedung vun der SA op 1 Joer limitéiert wier.
Deemno wäert de Jean-Louis Schiltz just nach President vun der HRS-Fondatioun bleiwen an et kënnt e neie President un d'Spëtzt vun der SA, déi d'Spidolsaktivitéite vun de Sitten um Kierchbierg, op der Gare an zu Esch regroupéiert.
Vize-President vun der SA soll eise Sourcen no de Claude Seywert bleiwen.
D'Fondatioun ass deen eenzegen Aktionär vun der SA vun de Robert Schuman Spideeler.
