An der Rue de la Reconnaissance Nationale zu Käerjeng waren en Dënschdeg de Moie géint 9 Auer 2 Autoen net laanschtenee komm. 1 Persoun gouf verwonnt.

Op der Plaz waren d'Ambulanz vu Suessem-Déifferdeng an d'Pompjeeë vu Käerjeng.

Kuerz no 14 Auer gouf et en Accident tëscht Dummeldeng an der Stad, hei waren zwee Autoen anenee gerannt. Eng Persoun gouf blesséiert. Op der Plaz waren d'Rettungsekippe vun Ettelbréck an der Stad.

Géint 16.30 da war d'Ambulanz vun Ettelbréck nees am Asaz, datt well e Motocyclist op der A7 tëscht Miersch an dem Fridhaff gefall war. Nieft dem Rettungsdéngscht vun Ettelbréck waren och hir Kolleege vu Lëntgen a Miersch op der Plaz.

Vun e Méindeg den Owend bleift dann nach e Kamäibrand an der Rue du Nord zu Biissen nozedroen. D'Pompjeeë vu Biissen an Ettelbréck waren am Asaz.