Géint 15.50 Auer koum et um CR339 zu enger Kollisioun tëscht engem Trakter an engem Moto.

En Grupp vu Motocycliste war um CR339 a Richtung Kaalber Millen ënnerwee, wéi hinnen en Trakter mat Unhänger entgéint koum. Aus nach net gekläerte Grënn huet ee Motocyclist d'Kontroll iwwert säi Gefier verluer an ass an den Unhänger vum Trakter gerannt.

RTL

© Domingos Oliveira

Fir de 56 Joer ale Mann aus Däitschland, aus dem Landkrees Bitburg/Prüm, sollt all Hëllef ze spéit sinn. Hien ass nach op der Plaz verscheet. D'Streck huet misste wéinst den Aarbechte vun der Police gespaart ginn.

Nieft dem CGDIS, dem Samu an de Beamte vun der Police war och d'Spueresécherung op d'Plaz geruff ginn.