Zanter dem Virfall am Garer Quartier de Weekend gouf d’Debatt ronderëm d’Sécherheet op der Gare nees entfacht. Ma wéi schwéier ass d’Aarbecht um Terrain?

D'Sécherheet op der Stater Gare ass dëser Deeg nees am Fokus vun der Politik. Ausléiser ass e Video, wou e gesäit, wéi e Mann vun engem Hond an d'Been gebass kritt. Den Hondsmeeschter, een Agent vun enger privater Sécherheetsfirma, kritt d'Déier net an de Grëff. An dëser Debatt hunn mer bis well eng ganz Rei Stëmmen héieren: dorënner d'Buergermeeschtesch Lydie Polfer, de Policeminister Henri Kox, d'Justizministesch Sam Tanson an och Stëmme vun der politescher Oppositioun an der Stad. Leschte Samschdeg, den Owend vum Virfall, waren awer och  Mataarbechter vum Projet "A Vos Côtés" op der Plaz.

De Projet "A Vos Côtés" / Reportage Annick Goerens

An et si ganz vill Leit, déi op dës Männer a gréngen T-Shirten duerkommen, wénken, Moie soen an se och ëm Hëllef froen. 7 Mataarbechter vum Projet "A Vos Côtés" schaffen am Garer Quartier a 6 zu Bouneweg.

Den Ernest Dupljak, Responsabel vum Projet: "Chaque soir par exemple, j'accompagne une dame, restauratrice, jusqu'à son arrêt de bus, aussi des fois lorsque des parents sont avec leur enfants sur une aire de jeu, cela arrive qu'il y a des adultes qui viennent et qui consomment là de l'alcool, dans ce cas-là nous on vient en jeu pour doire "voilà ceci est une aire de jeu, on ne peut pas consommer d'alcool. Aussi pour le Cannabis, là il y a des gens, des jeunes qui consomment, parce qu'en plus il y avait les vacances, nous on vient vers eux, on leur explique la loi. Vraiment, on a un très bon retour. On est très content et il y en a qui nous appellent "les anges verts", ce qui est aussi un peu marrant. Mais c'est pour dire que cela nous fait plaisir." 

Si ginn tëscht Moies 11 an Owes 11 zu 2 duerch d'Stroossen, weisen hir Präsens, erklären, informéieren a sinn einfach op der Plaz, erkläert de Yago Garcia: "On est dans le quartier vraiment pour être à l'écoute des habitants et des commerçants  donc on fait des accompagnements régulièrement. Que ce soient des commerçants qui se sentent pas en sécurité dans le quartier ou un habitant pour aller prendre le bus etc. Et on prend vraiment un contact avec les commerçants pour savoir s'ils ont un problème régulier et on essaie d'être à leur côté et de régler le mieux possible les problèmes."

An der Problemer der ginn et genuch... si sinn dacks déi éischt op der Plaz, zum Beispill wéi e Méindeg bei der Messerpickerei oder e Samschdeg Owend wei den Incident mam Hond geschitt ass: "On faisait notre patrulle quotidienne dans le quartier de la gare avec mon collègue. On a remarqué une discussion très aggressive entre 2 individus à côte du café "Le Périgord". Du coup on s'est approché pour tenter de désescaler la situation, faire une méthode de médiation entre les 2 individus. Et à ce moment-là j'ai remarqué que un des individus avait un couteau caché sous la main. Du coup on a pris une distance de sécurité et j'ai pris la décision de prévenir les services de police." 

An genee dat ass hir Aufgab, nämlech schlichten, deseskaléieren a wann et net méi virugeet, d'Police ruffen. Fir de Projet "A Vos Côtés" huet d'Stad Lëtzebuerg sech zu Zürich inspiréiert, wou den Ëmgang mat der Drogeproblematik virbildlech wär, erkläert de Christof Mann, Chargé de direction vun den Affaires sociales an der Stad Lëtzebuerg. Et setzt een nämlech op 4 Pilieren: "Dat engt ass Repressioun, dat iwwerhëlt ganz kloer d'Police. Dat anert ass Preventioun, dat ass de System, wat se alles maachen, fir dass d'Leit un d'Droge kommen, Opklären etc. Dat anert ass e flotte Drogenberäich, fir déi Leit, déi erangefall sinn an dat Véiert ass dann de ganze Beräich vun Uerdnungspolitik am weiteste Sënn. An dozou gehéiert eben och de Pilier, dass ee bei de Bierger geet an dem Bierger säi Sécherheetsgefill stäerkt, doduerch dass een op der Strooss present ass." 

Ugefaangen huet de Projet am Dezember zejoert an d'Echoen déi ee vun de Leit kritt, sinn immens positiv, dofir huet een en och op Bouneweg ausgedeent. Et ass een Zesummespill vun de Forces de l'ordre, de Sécherheetspatrullen an de Sozialaarbechter, déi fir méi Sécherheet op der Gare suergen, sou de Christof Mann vun der Stad Lëtzebuerg.

An der zoustänneger Chamberkommissioun wier e Mëttwoch de Moien iwwerdeems konstruktiv an onpolemesch iwwer d'Sécherheet am Garer Quartier diskutéiert ginn, sou d'Justizministesch, et wär ee sech bewosst, dass d'Situatioun sech hei reegelméisseg erëm verännert, verschäerft, an dann nees entschäerft. Wichteg wär, dass zesummen agéiert géif ginn, well et wier e Problem, dee schonns laang do ass a wou ëmmer erëm agéiert gouf an elo nach weider Moyene missten en place gesat ginn. Well et wier näischt méi schlëmm, wéi wann een all Dag misst mam Knascht, Leit déi sech net anstänneg behuelen an och der Gewalt konfrontéiert ginn.

Stater Gare: Wat ass den Ënnerscheed tëscht dem traditionelle Streetwork an dem Projet "A Vos Côtés"

09/09/2021 A Vos Côtés vs Streetwork / Reportage: Annick Goe

An der Debatt ronderëm d'Sécherheet op der Stater Gare spillen d'Streetworker an d'Sozialaarbechter eng essentiell Roll. Zanter Dezember 2020 leeft den neie Projet „A Vos Côtés“ am Quartier Gare. Wat ënnerscheet dëse Projet dann eigentlech vum mëttlerweil traditionelle Streetwork?

De sougenannte „Streetwork“ ass näischt Neies a gëtt an der Stad och schonn zanter gutt 20 Joer aktiv agesat. D'Streetworker si meeschtens assistants sociaux, Educateuren oder Educateurs graduées vu  Formatioun, erkläert den Direkter vun Inter-Actions Roger Faber.

„De Streetwork ass am Fong do fir mat de Leit déi Problemer an der Strooss schafen oder déi schlecht drun sinn an der Strooss fir mat deene Kontakt opzehuelen. Also dat sinn SDF'en (sans domicile fixe n.d.l.r.)  oder aner Leit déi op der Strooss liewen, loosse mer mol esou soen. Fir mat deene Kontakt opzebauen an da wann se de Kontakt bis hunn an eng gewësse Confiance do ass fir dann och mat deene Leit sozial ze schaffen, déi dann och duerno versiche mat deene Leit e Schratt Richtung Stabilitéit hinzegoen.“

Zanter gutt 15-16 Joer gehéiert och de Street-Sport zu engem wichtegen Deel vun der Aarbecht, besonnesch mat Jonken, um Terrain.

„Dat war eng Demande vun de Streetworker selwer déi no engem Moyen gesicht hunn fir mat Jugendlechen déi zimmlech destrukturéiert sinn an sech oft an der Strooss ophalen, fir mat deenen e reegelméissege Kontakt opzebauen. An dat ass dann iwwer Kampfsportaarte gaangen. Mir maachen do elo entretemps eng 10-12 Atelieren d'Woch mat hinnen. An wärend deene 16 Joer hunn sech eng Rei Leit doduerch stabiliséiert.“


An eng Rei vun deene jonke Leit schaffen elo beim Projet „ A Vos Côtés“.Dës Initiativ ass aus enger anerer Necessitéit eraus entstanen, nämlech dem groussen Onsécherheetsgefill vun Awunner a Commerçanten am Stater Quartier. Dofir ass d'Aufgab vun de Mataarbechter och eng aner, erkläert de Christof Mann, Chargé de direction vun den Affaires sociales an der Stad Lëtzebuerg.

„Si hunn den Optrag present ze sinn, an de Stroossen present ze sinn. Se sinn ëmmer zu 2, se ginn duerch d'Stroossen, si beobachten, si léise Problemer, si maachen éischt Hëllef, si begleede Leit déi Angscht hunn an sech onsécher fillen, si ginn an d'Butteker a schwätzen do mat de Leit, se sinn einfach am Quartier present.“

De Yago Garcia kënnt selwer aus dem Street-Sport an ass mëttlerweil Sous-Responsabel vum Projet „A Vos Côtés“.  Si ginn tëscht Moies 11 an Owes 11 zu 2 duerch d'Stroossen an erliewen dacks och méi däreg Situatiounen, erkläert de jonke Sozialaarbechter.

«On a vraiment beaucoup de situations dans le quartier de désescalation, on va dire un petit peu de prise de tête, mais généralement on arrive bien à gérer les situations. On n'a pas besoin de faire appel à la police, donc par notre méthode de désescalation et médiation entre les gens on arrive vraiment à gérer la plupart des conflits dans le quartier.»

Den Echo vun de Leit am Quartier ass immens positiv. Se nennen d'Männer a Frae mat de gréngen T-Shirten, déi gréng Engelen. Duerch dëse Succès gouf dëse Service elo och op Bouneweg ausgedeent. Am Ganze schaffe mëttlerweil eng 13 Leit fir "A Vos Côtés".