Dräi Deeg virum Vott vum neie Covid-Gesetz an der Chamber sinn d'Demonstrante vun der Philharmonie um Kierchbierg bis bei d'Chamber getrëppelt.

Der Police no hunn tëscht 3.500 a 4.000 Leit e Freideg den Owend an der Stad géint d'Corona-Politik zu Lëtzebuerg demonstréiert. Et wéilt een e "staarke Message un d'Regierung schécken" huet et am Virfeld vun der drëtter sougenannter "Marche Blanche" op Affichen am Internet geheescht.

Drëtt Marche Blanche
Iwwer 3.000 Leit hu géint d'Corona-Politik zu Lëtzebuerg demonstréiert

Dräi Deeg virum Vott vum neie Covid-Gesetz an der Chamber sinn d'Demonstranten, déi zu engem gudden Deel wäiss gekleet waren awäiss Loftballone a Fakele bei sech haten, vun der Philharmonie um Kierchbierg bis bei d'Chamber getrëppelt. Virun der Chamber an op der Plëss hunn d'Leit Käerzen ugefaangen an néiergeluecht.

Extrait Marche Blanche (1)
Extrait Marche Blanche (2)
Extrait Marche Blanche (3)
Extrait Marche Blanche (4)

Mat dobäi och den Dr. Benoît Ochs, deen d'Manifestante virun der Chamber animéiert huet, fir ze klappen an ze ruffen. Den Dokter vu Gonnereng gouf fir ee Joer vu sengem Beruff suspendéiert, well hie sech net un d'Corona-Mesurë gehalen huet an ënnert anerem Patiente mat Medikamenter behandelt huet, déi net zougelooss waren. Hien ass an Appell gaangen.

Déi nächst Marche Blanche ass den 29. Oktober.