Dat deelt de Parquet an engem Schreiwes mat. De Mann soll Spiller an Trainer verbal a kierperlech attackéiert hunn. Doropshin hätte Membere vum Futtballclub de Mann iwwerwältegt. Dobäi wier dësen allerdéngs esou schwéier blesséiert ginn, dass hien huet missen d’Urgence operéiert ginn. Hien ass allerdéngs e Samschdeg de Moie fréi u senge Blessure verscheet.
De Parquet huet d’Ermëttlungen an dëser Affär opgeholl. Ee verdächtege gouf festgeholl a koum virun den Untersuchungsriichter.
Schonn e Freideg den Owend hat d’Police RTL géigeniwwer confirméiert, dass et op engem Trainingsterrain vun der Escher Jeunesse zu engem Tëschefall komm wier, bei deem e Messer am Spill war an eng Persoun gepickt a blesséiert gouf.
Wéi Zeien, déi op der Plaz waren, RTL géigeniwwer soten, wier wärend engem Training vun enger Nowuessekipp e frieme Mann mat engem Messer op den Trainingsterrain vum Veräin komm a wier op e puer Persoune lassgaangen.
