Leit mat enger Behënnerung gi just duergestallt, wann et ëm d’Thema Behënnerung geet. Persounen, déi net wäiss oder net heterosexuell sinn, kommen och just seelen an a spezifesche Kontexter vir. Dat koum bei enger Etude vun der Uni.lu eraus, déi vun der Fondation Losch finanzéiert gouf.
Mir hu mat de Fuerscherinnen hannert der Etude geschwat a mir waren och an eng Klass nofroen, wéi déi Jonk dat selwer gesinn.
D’Schülerinnen a Schüler vun enger 5e am Lycée Belval ware sech net bewosst, wéi grouss d’Ënnerscheeder bei der Representatioun sinn. Am Austausch mat de Fuerscherinnen hu si hir Meenung gesot a kontrovers diskutéiert.
