De staatleche Wiederdéngscht huet e Freideg de Moien en "Avis de grand Froid" fir d'ganzt Land erausginn.

Tëscht 22 Auer e Freideg den Owend an an 11 Auer e Samschdeg de Moie kënnen d'Temperaturen am ganze Land op minimal -13 Grad falen.

Flott an äiseg Fotoe vun eise Lieser (20.1.24)
Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

An effektiv de Samschdeg de Moie presentéiert sech moies nach niwweleg dréif, mat kale -10 an der Stad, -11 zu Wolz an de gemellte -13 zu Ell. Am Laf vum Dag verzitt sech den Niwwel an et gëtt et kalen awer sonnegen Dag, just vereenzelt ass et nach dréif. D'Temperature kommen dobäi awer net iwwer 1 Grad.

Wanterpanorama vun Heischent aus Richtung Wolz geknipst. / © Andy Brücker / RTL
© Andy Brücker / RTL
Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.

Déi niddereg Temperature kéinte besonnesch bei eelere Leit oder bei Leit mat Otemweeerkrankungen zu gesondheetleche Probleemer féieren.

Och um Sonndeg soll et kal bleiwe mat Déiftswäerter vu -4 bis -8 Grad, lokal sinn awer och -10 nach méiglech. Vereenzelt wäert sech d'Sonn nach weisen, mëttes kann den Himmel da plazeweis zouzéien, ma bis owes soll et dréche bleiwen. E Sonndeg den Owend ass mat Loft aus Südwesten ze rechnen an an der Nuecht soll et dann ufänke mat reenen.

Météo
Wéi gëtt d'Wieder? Dat ass eng Fro, déi jidderee sech Dag fir Dag stellt. An eiser Météo gitt Dir dat vu Méindes bis Sonndes gewuer.

An déi nächst Woch wäerte mer deemno mat reegelméissege Reeschauere starten, dofir ass et dann awer nees manner kal.