Bei engem Zebrasträifen net wäit vun der Barrière bei der Diddelenger Gare gouf ee Foussgänger vun engem Auto erfaasst a verwonnt. D’Persoun ass op de Buedem gefall a koum liicht blesséiert an d’Klinik.
D’Police freet awer nach no Zeien, déi gesinn hunn, wéi den Accident genee geschitt ass. All Informatioun ass fir d’Diddelenger Police um (+352) 244 69 1000 oder per E-Mail op police.dudelange@police.etat.lu.
Da mellt d’Police och nach e brutalen Iwwerfall an der Route du Vin zu Bech-Maacher. Véier Männer hunn hei e männlecht Affer vum Scooter gezunn an him den Handy an och de Scooter geklaut. D’Affer gouf net verwonnt. Eng Sichaktioun ass negativ verlaf an Ermëttlunge goufe lancéiert.
