Zwou Persoune goufe blesséiert, ewéi e Motocyclist mat senger Maschinn gefall ass. Nieft de Pompjeeë vu Stengefort waren d’Ambulanze vu Stengefort a Mamer am Asaz.
Den 112 mellt dann och nach zwee gréisser Accidenter fir e Sonndeg de Mëtteg. Op der Kräizung zu Koplescht si géint 13 Auer en Auto an e Moto kollidéiert. Zwou Persoune goufe verwonnt an de SAMU aus der Stad war op der Plaz.
E weidert Accident gouf et kuerz viru 16 Auer op der N7 tëschent Heeschdref a Boufer. Hei waren e Moto an e Vëlo aneneegerannt. Och hei notéiert de CGDIS ee Blesséierten.
