En Dënschdeg kuerz virun 11 Auer koum et an engem Rond-point zu Nidderkuer zu engem Accident mat zwee Gefierer.

Geschitt ass dat Ganzt um Rond-point tëschent der Rue Pierre Gansen an der Avenue de la Liberté. Wéi et vun der Police heescht, géif de Virfall drop hindeiten, datt ee vun de Chauffere wuel e Malaise gemaach hat an doropshi mat engem anere Gefier kollidéiert ass. Säi Gefier ass dobäi an der Verkéiersinsel gelant. De Mann koum an d'Spidol an d'Strooss war temporär gespaart. Am Asaz waren d'Rettungsekippe vun Esch a vu Suessem-Déifferdeng.

© Domingos Oliveira
© Domingos Oliveira
Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.