RTL - Take Off - D'Aventure geet weider: Nei Kandidate gesicht fir déi drëtt Staffel

Fir déi nei Staffel vun der Science Challenge Show Take Off gi vun elo un nei Kandidatinnen a Kandidate gesicht.

Wann ee keng Angscht huet virun neien Erausfuerderungen a sech fir d’Wëssenschaften interesséiert, da soll ee bei Take Off matmaachen. Der Science Challenge Show, mat der Chance op 10.000 Euro, fir säi Startschoss an d’Liewen.

Fir matzemaachen, muss een tëscht 15 an 21 Joer al an op enger Schoul zu Lëtzebuerg ageschriwwe sinn, respektiv en Diplom vun enger Schoul hei am Land hunn. Weider Informatiounen an de Formular fir d’Aschreiwung fënnt een op www.takeoffshow.lu.

Take Off ass eng gemeinsam Initiativ vun der André Losch Fondation an dem Fonds National de la Recherche.

Les photos diffusées sur ce site sont soumises à des droits d’auteurs et ne peuvent être copiées, modifiées, vendues, sans l’autorisation préalable du propriétaire du site en question.