Den EDMO-Projet, zu deem RTL gehéiert, geet géint Fakenews, Desinformatioun a méi am Internet vir. E wichtegen Deel dovunner ass d'Opklärung!

Et ginn déi verschiddensten Aart a Weisen, wéi een am Internet kann ugeschmiert ginn. Dat geet vu Fakenews, wou ee falsch Tatsaachen als richteg virgegaukelt kritt, bis hin zu kriminellen Aktivitéiten, bei deene probéiert gëtt, den Affer d'Geld aus der Täsch ze zéien.

An eisem Projet "Safety First: Sécherheet am Internet" wäert RTL Iech an den nächste Méint eng Dose Videoe presentéieren, wou déi gängegst Methode gewisen an erkläert gëtt.

Am Kader vun eisem Kloertext "Informatioun sichen, Desinformatioun fannen?" hu mer déi éischt dräi vun dëse Videoe publizéiert:

Safety First: Desinformatioun
Wat genee ass Desinformatioun? A wéi erkennen ech se?
Safety First: Deepfakes
Wat sinn Deepfakes? Wéi kann ech se erkennen? A wat kann ech dogéint maachen?
Safety First: Filterblos
Wat ass eng Filterblos? Wéi erkennt een, datt een dran ass a wéi kënnt een do eraus?