E Freideg gouf et eng éischt pediatresch neurochirurgesch Operatioun
Fir d'Neurochirurgie am Stater Centre Hospitalier war e Freideg e ganz speziellen Dag.
Fir déi éischt Kéier gouf hei zu Lëtzebuerg e Bëbee vu 4 Méint mat enger Craniosténose operéiert. Eng Deformatioun um Kapp, well d'Schanken ze fréi zesummegewuess sinn. Eng RTL-Ekipp huet d’Dokteren déi zwee lescht Deeg suivéiert a war bei der Operatioun e Freideg de Moie mat derbäi.
Hallwer Aacht. Dee klenge Patient gëtt vun der Kannerklinik eriwwer an de Centre Hospitalier transferéiert. Fir d'Dr. Nathalie Gilis, déi déi lescht Joren zu Bréissel am Hôpital Erasme operéiert huet, u sech Routine. An awer huet d'Première hei zu Lëtzebuerg e Freideg fir eng gewëss Uspanung gesuergt.
En Donneschdeg schonn hunn de Jeannot Ries an de Loick Boulet d'Spezialistin fir Pediatresch Neurochirurgie, Nathalie Gilis an de Professer Frank Hertel, Chef vun der Neurochirurgie am CHL, bei enger leschter Aarbechtsreunioun begleet.
"La craniosténose, c'est une malformation en fait de l'enfant. Et qu'est-ce que c'est ? C'est quand une des sutures du crâne est fermée trop tôt. Donc, quand on regarde la tête de l'enfant, il y a différents fragments, différentes pièces osseuses qui sont reliées entre elles par des sutures, comme des joints, un peu du carrelage. Et elles doivent théoriquement être ouvertes. Le problème, c'est quand une ou parfois même plusieurs se ferment un peu plus tôt que ce qui est prévu, alors le crâne ne va pas avoir la possibilité de bouger, si vous voulez, de grandir, comme théoriquement, c'est prévu par la nature", sou d’Dr. Nathalie Gilis, déi e Freideg de Moien de Lead bei der Operatioun hat.
Bis elo hu Lëtzebuerger Kanner missen am Ausland operéiert ginn
Viru Joren hunn d'Doktere missen de ganze Kapp vu Bëbeeën opschneiden, fir nees d'Schanken ze trennen. Operatiounen déi am Ausland hu misse gemaach ginn. De klenge Patient e Freideg de Moie war net just deen éischten, deen hei am Land operéiert gouf. D'Method, déi vun der Ekipp ronderëm d'Dr. Gilis ugewannt gouf, war och vill manner Invasiv. Iwwer Endoskopie.
"On va en fait venir faire deux petites incisions à l'avant, si vous voulez, de la suture qui est fermée et à l’arrière. Avec une petite caméra, on va vraiment venir disséquer tous les plans et venir avec des instruments, alors enlever cette suture, donc ce fragment d'os, si vous voulez, qui est excédentaire. Puis, par la même incision, on va pouvoir redonner de la largeur au crâne de l'enfant et tout ça par deux petites incisions entièrement dans les cheveux."
Dës Première ass e Succès
Wärend iwwer fënnef Stonnen hu sech e Freideg de Moie déi medezinesch Ekippe vum CHL ëm de Puppelche gekëmmert. Vun der Anästhesie, déi bei klenge Kanner méi komplex ass, iwwer d'Operatioun u sech, bis de Réveil. Mat um Enn der gudder Nouvelle. Alles ass genee no Plang verlaf.
"On prend le temps de faire vraiment un réveil tout en douceur, progressif. Après la phase de réveil, l'enfant va être transféré aux soins intensifs. C'est un procédé tout à fait classique pour les enfants opéré de la tête, même si ce n'est pas le cerveau. Juste pour une nuit. Et après, environ deux, trois jours, ça dépend un peu dans l'unité de pédiatrie, avant de rentrer à la maison", sou d’Dr. Gilis weider.
Fir d'Ekipp vun der Neurochirurgie vum CHL ass d'Operatioun vun e Freideg e grousse Schrëtt. Net just, well den neisten Techniken no operéiert gouf. Vun elo u musse Lëtzebuerger Kanner net méi an d’Ausland. Ma Kanner aus der Groussregioun kënne souguer elo hei am Land operéiert ginn.
"Es gibt sehr viele spezifische kinderneurochirurgische Indikationen, wo es einfach ein Team und Leute drumrum braucht, die sich ganz intensiv mit den Kindern befassen. Die über lange Zeit nachbetreuen. Die Familien mitbetreuen. Und dafür braucht es Spezialistinnen oder Spezialisten, wo wir jetzt sehr froh sind, dass Doktor Gilis bereit war, hierher zu kommen." sou de Chef vun der Neurochirurgie am CHL, de Professer Frank Hertel.
Well et ganz einfach bis déif an d'Groussregioun eran u Spezialiste fir Pediatresch Neurochirurgie feelt.
