D'Zuelen, déi scho wärend der leschter Quadripartite Enn Mee matgedeelt goufen, ginn am Jores-Bilan vun der CNS confirméiert.

Déi global Reserv geet doduerch op 936 Milliounen erof. D’Sozialministesch Martine Deprez hat am Mee annoncéiert, dass bis d'Hierscht-Quadripartite Mesuren ausgeschafft solle ginn, wéi d'Situatioun vun der Krankeversécherung kann à long terme ofgeséchert a strukturell redresséiert ginn.

Wat de Kontakt mat der CNS ugeet, gëtt den Online-Service ëmmer méi benotzt, awer och d’Visitten an enger Agence sinn ëm iwwer 12% an d’Luucht gaangen, wat d’Wichtegkeet vum direkte mënschleche Kontakt géif ënnersträichen.

Iwwert dëse Link kann een de komplette Joresrapport 2024 vun der CNS eroflueden.