De Mann konnt méi spéit vun der Police fonnt ginn. Déi Saachen, déi hie bei sech hat, goufe saiséiert.
Den nämmlechten Owend war et en Abroch an eng Wunneng an der Rue Comte Joseph de Ferraris zu Dummeldeng, wou onbekannt Täter Bijouen a Posche geklaut hunn. D’Enquête leeft.
Op der A1 op der Héicht vu Fluessweiler war et um 23.15 Auer een Accident tëscht 2 Autoen. Ee vun de Chauffere gouf an d’Spidol bruecht. Engem anere Chauffer säin Alkoholtest war positiv, säi Permis gouf agezunn.
An der Nuecht op e Freideg gouf eng alkoholiséiert Fra an der Rue Ste Zithe op der Stater Gare der Police gemellt, well si sech an en Auto gesat huet a wollt fortfueren. D’Policepatrull huet d’Fra op der Plaz gestoppt. Hire Permis gouf agezunn.
