Wéinst dem erwaarten “Dauerreen” huet MeteoLux e Freideg de Moien eng Alerte Jaune erausginn. Dës gëllt vu freides owes 22 Auer bis samschdes moies 7 Auer. Tëscht 20 an 30 Liter Reen kéinte bannent 12 Stonne pro Quadratmeter erofkommen.
An Iwwerschwemmungsgebidder sollt een d’Situatioun deemno méi genee am Bléck halen.
Och fir d’Nopeschregiounen a Frankräich Meurthe-et-Moselle, Meuse an d’Ardennes, grad ewéi fir dat däitscht Bundesland Rheinland-Pfalz gëllt eng Alerte Jaune bis e Samschdeg. Fir vill Departementer a Frankräich gëllt zanter en Donneschdeg iwwerdeem eng Alerte rouge.
