An den Anlagen zu Mamer, Miersch a Béiwen ass besonnesch opgefall, datt de Cannabis méi present ass wéi dat an der europäescher Moyenne de Fall ass. Allerdéngs waren d’Cannabis-Wäerter bei spéidere Prelevementer liicht méi niddereg wéi d’europäesch Median an Duerchschnëttswäerter.
Dës zweet Analyse goufe gemaach, nodeems déi nei national Cannabis-Gesetzgebung a Kraaft war. Déi 3 Lëtzebuerger Kläranlage waren erausgesicht ginn, well dës d’Krittären erfëllen, fir e Maximum u Fiabilitéit ze erlaben.
