Zu Hamburg ass rezent eng Fra vun engem Wollef ugegraff ginn. Zu Lëtzebuerg ass dat bis elo nach net geschitt, ma Enn Februar sinn op direkt zwou Plazen am Norde vum Land, bei Wëntger a bei Hengescht, Schof vun zwee verschiddene Wëllef gerass ginn.
Wéi reagéiert een am landwirtschaftleche Secteur op déi Tëschefäll? Dat froe mer e Freideg de Moien de President vun der Landwirtschaftskammer Christian Hahn als eisen Invité vun der Redaktioun. Weider Sujete sinn déi geplangten Ännerunge vun den Oplage fir d’Bauen an der Gréngzon an d’Repercussioune vun den héijen Energiepräisser duerch den Iran-Krich. Den Invité vun der Redaktioun héiert Der wéi gewinnt direkt no den Noriichte vun 8 Auer.
Rendez-vous fir den Interview mam Invité vun der Redaktioun all Dag vu méindes bis freides um 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op RTL Play ass d’Emissioun dono och am Replay ze fannen.
