Direkt e puer Policepatrulle sinn dem Flüchtegen hannendru gefuer. Bei der Course-poursuite tëscht Féiz a Steebrécken sinn am Ganze véier Gefierer, dorënner och zwee Déngschtween vun der Police, beschiedegt ginn. Ee Policebeamte koum zur Kontroll an d’Spidol.
De flüchtege Chauffer konnt spéider gestoppt ginn. Hien hat kee Permis a gouf op Uerder vum Parquet festgeholl.
