E Freideg am Nomëtteg ass déi offiziell Ouverture vun der Fouer an do ass natierlech och d’Sécherheet e grousst Thema.
Ier et offiziell lassgeet, huet de CGDIS e Freideg de Moien um Glacis nach den Eeschtfall geprouft, wann ee Spill géif hänke bleiwen.
Fir d’Pompjeeë vum CIS Lëtzebuerg* huet sech d’Situatioun esou duergestallt, datt e Spill a grousser Héicht hänke bliwwen ass. Mat Hëllef vun enger Dréileeder goufen déi fräiwëlleg Victimmen a Sécherheet bruecht.
Bei der Übung konnt ee sech Zäit huelen, fir sech a Rou ze preparéieren an den optimalen Zenario auszetesten: Wéi kënnt ee bei d’Manège, wou steet d’Gefier am beschten, wéi klëmmt een erop?
Am Eeschtfall geet dat Ganzt däitlech méi séier.
*An enger éischter Versioun vum Artikel hat et geheescht, datt d’Spezialunitéit vum “GRIMP” op der Plaz gewiescht wier, deem war net esou.
