Genee wéi a Frankräich soll d’fräiwëllegt Ënnerbrieche vun der Schwangerschaft konstitutionell verankert ginn, sou den Deputéierte Marc Baum vun Déi Lénk.
Aktuell ass d’IVG hei am Land duerch e Gesetz encadréiert, dat virun 10 Joer gestëmmt gouf.
Fir déi Lénk stellt hir Proposition de Révision vun der Verfassung e symboleschen Akt duer, deen d’fundamentaalt Recht op Ofdreiwung op en Neits affirméiere géif.
Fir eng Verfassungsännerung ass eng Zweedrëttelmajoritéit an der Chamber néideg - den Text vun Déi Lénk, deen och d’Recht op Contraceptioun wëll an d’Verfassung schreiwen, geet lo “pour avis” bei de Staatsrot.
