D’Chamber huet sech dëser Deeg am Detail mat Iddie fir en neie Lëtzebuerger Steiersystem befaasst. Wat ass aus der Orientéierungsdebatt zeréck ze behalen?
Dat hu mer dëse Sonndeg eis Journalistekolleegen am leschte RTL-Presseclub vun der Saison gefrot.
Aner Theme waren d’Impfflicht an d’Energiekris.
E Sonndeg am Presseclub invitéiert waren de Marc Schlammes (Luxemburger Wort), den Dhiraj Sabharwal (Tageblatt) an de Christophe Bumb (Reporter).
De Presseclub héiert Dir all zweete Sonndeg kuerz no 11 Auer op RTL Radio Lëtzebuerg, am Livestream op RTL.lu an op RTL Play, wou Dir d’Emissioun dono och an der Rubrik Radio bei den “Emissiounen” fannt.
