Viru 7 Joer hat d’Medezintechnik-Spart vu Siemens d’Start-Up Fast Track Diagnostics fir 75 Milliounen Euro kaf - elo gëtt d’Firma zougemaach. Bis September sollen d’Aktivitéiten zeréckgefuer a komplett gestoppt ginn, heescht et vum Mammenhaus Siemens. 90 Aarbechtsplaze sinn zu Esch am House of Biohealth a Gefor.
Zanter dem Peak vun der Corona-Pandemie ass d’Demande u PCR-Tester konsequent zeréckgaangen, sou datt d’Mammenhaus Siemens decidéiert huet, déi kleng Lëtzebuerger Entitéit zouzemaachen.
2006 war Fast Track Diagnostics vum Bill Carmann zesumme mat de Responsabele vun Laboratoires Réunies gegrënnt ginn.
