Mee wéi gesäit et dëst Joer mat der Clientèle aus? Huet d’Wieder eis e Stréch duerch d’Rechnung gemaach oder huet dat keng Roll gespillt, ëmmerhi gi jo och vill Leit op de Chrëschtmaart.
D’Oktav, de Marché de l’Octave, also de Mäertchen ewéi mir e kennen, geet zeréck bis an d'17. Joerhonnert. Och fréier war e beléift bei Kanner an Erwuessenen. No der Kierch goung et op de Mäertchen, fir nach e Maufel ze fruppsen, ma haut hu verschiddener d’Gefill, ewéi wann dee Brauch lues a lues géif verluer goen.
Dobäi kënnt, dass d’Plaz geännert huet, alles Argumenter, dass d’Forainen net esou zefridde sinn ewéi déi Jore virdrun. Mir hunn eis schlau gemaach a wollte wëssen, wéi si dëst Joer erlieft hunn.
