Manner grouss war den Impakt dogéint op d’Stater Geschäftswelt. Den héije Besuch huet en Donneschdeg dausende Leit an d’Stad gelackelt, ma d’Butteker sinn awer éischter eidel bliwwen. Dat schlecht Wieder an déi vill Stroossen déi gespaart waren, hu vill Clienten ofgeschreckt, seet d’Mireille Rahmé-Bley, Presidentin vum Stater Geschäftsverband.
D’Evenement wär ganz gutt organiséiert gewiescht an d’Visitt vum Poopst ass sécher och eng nohalteg Reklamm fir Lëtzebuerg als Touristendestinatioun. D’Hotelieren an d’Restaurateuren hätte vun där kuerzer Visitt awer kaum profitéiert, soen den Alain Rix an den Steve Martellini vun der HORESCA.
Just ee klenge Café an der Ënneschtgaass zielt zu de grousse Gewënner. Nodeems de Poopst en Donneschdeg do säin Espresso gedronk huet, sinn d’Reservatioune staark an d’Luucht gaangen.
