Dat mellen éisträichesch Medien e Méindeg. Deemno wäert de Joannis Panotopoulos säi Posten als Chef vun der Orthopedie an der orthopedescher Chirurgie am “Salzkammergut Klinikum Gmunden” op den 1. Januar d’nächst Joer untrieden.
De Joannis Panotopoulos kënnt aus Lëtzebuerg an huet zu Wien Medezin studéiert. Hie schafft a fuerscht zanter 20 Joer um Gebitt vun der Orthopedie. 2012 huet hie seng Spezialisatioun an der Orthopedie an der orthopedescher Chirurgie ofgeschloss. 2019 ass eng Spezialisatioun an der Traumatologie dobäi komm.
Wärend senger Karriär war de Joannis Panotopoulos ënner anerem Chef vun der Tumor-Orthopedie am Universitéitsspidol zu Wien.
