E Mëttwoch ass den internationalen Dag vun de Mënscherechter. Dofir war d’Laura Zuccoli vum Flüchtlingsrot am RTL-Interview e Mëttwoch de Mueren.
Een Thema: Déi méi streng Asyl-Reegelen, déi d’EU decidéiert huet. Do gouf et ënnert anerem Kritik un de geplangte Retour-Zentre baussent der Europäescher Unioun. A wéi eng Länner kommen déi a wéi steet et do ëm internationaalt Recht, freet sech d’Laura Zuccoli.
Och d’Lëtzebuerger Flüchtlingsproblematik huet d’Laura Zuccoli ugeschwat. Virop de Logement. Allgemeng géifen et net genuch a net genuch adequat Strukture gi fir Flüchtlingen - weder fir déi, déi nach op Asyl waarden, nach fir déi, déi Asyl kruten.
Eng Léisung wier zum Beispill Containeren an aner kleng Unitéiten op Baulücken ze setzen, seet d’Laura Zuccoli vum Flüchtlingsrot.
E Mëttwoch de Moie war d’Asyl- a Migratiounspolitik Theema an der Emissioun “Invité vun der Redaktioun”.
Rendez-vous fir den Interview mam Invité vun der Redaktioun all Dag vu méindes bis freides um 8 Auer op RTL Radio Lëtzebuerg an am Livestream och op RTL.lu an an der App (Audio a Video). Op RTL.lu an op RTL Play ass d’Emissioun dono och am Replay ze fannen.
