D’Chaos-Politik misst direkt ophéieren, heescht et am gemeinsame Pabeier, wou mam Fanger op den Aarbechtsminister Georges Mischo an op d’Sozialministesch Martine Deprez gewise gëtt. D’Gewerkschaften OGBL an LCGB an d’Partei LSAP verweisen op d’Dossiere Pensioun, Krankekeess, Sonndesaarbecht a Kollektivverträg.
D’Syndikater géinge veronséchert an ecartéiert ginn an déi respektiv Reforme wiere längst beschloss. Bei den Diskussiounen iwwer d’Pensiounsreform zum Beispill, do géingen d’Gewerkschafte geziilt isoléiert ginn, well einfach jidderee géing invitéiert ginn, fir iwwer e sou e komplext Thema mat ze debattéieren.
