An der Stroossbuerger Strooss am Garer Quartier war et um spéiden Nomëtteg, sou d’Police an hirem Bulletin, zu enger Kläpperei tëscht zwee Männer komm. Ee vun hinnen huet dobäi deen anere mat enger Fläsch geschloen a verwonnt. Dee Blesséierte koum no enger éischter medezinescher Versuergung fir eng Kontroll an d’Spidol. Op Uerder vum Parquet gouf den Täter protokolléiert.
Zu Beetebuerg war éischten Informatiounen no eng Fra op engem Busarrêt iwwerfall ginn. Zwee Männer sollen u si erugetruede sinn, wéi si op de Bus gewaart huet an hunn hir den Handy aus der Hand gerappt. Béid Täter sinn a Richtung Beetebuerger Gare geflücht. D’Police huet Ermëttlunge lancéiert.
