De Mann konnt schlussendlech e Sonndeg den Owend zu Paräis lokaliséiert a gestoppt ginn. Am Kader vun der Enquête hat d’Lëtzebuerger Police iwwert de sougenannten ENFAST-System mat der franséischer Police kooperéiert.
Hie gouf mat Hëllef vun engem bestoende Mandat d’Arrêt festgeholl a gëtt an den nächsten Deeg u Lëtzebuerg ausgeliwwert.
De verdächtege Mann hat e Freideg eng him bekannte Persoun mat enger Schosswaff menacéiert a beklaut a war kuerz drop fortgelaf. Direkt e puer Unitéite vun der Police haten doropshi groussraimeg nom Mann gesicht.
