Fir d'24.Kéier gouf vun "Europa Donna Lëtzebuerg" de Broschtkriibslaf organiséiert. Bei dëser Editioun gouf en neie Rekord opgestallt wat d'Zuel u Participante ubelaangt. Iwwer 3.000 Leit hunn deelgeholl. Zanter e puer Joer gëtt dëst Evenement zu Hesper am Park organiséiert. Op enger Distanz vu 5 Kilometer kann ee lafen, joggen oder einfach nëmme goen. Ronn 90 Benevoller hunn um Samschdeg eng Hand mat ugepaakt.
Den Oktober ass de Mount vun der Sensibilisatioun ronderëm de Broschtkriibs. Eng vun 8 Fraen hei zu Lëtzebuerg ka wärend hirem Liewe vu Broschtkriibs betraff ginn. Genetesch an Ëmweltfacteure kënne responsabel fir Broschtkriibs sinn. Wichteg wär et, seng Brëscht reegelméisseg ofzetaaschten a beim Depistage matzemaachen.
2025 goufen zu Lëtzebuerg 26.131 Mammografien duerchgefouert. An 146 Fäll gouf Kriibs diagnostizéiert. D'Mammografie adresséiert sech u Fraen am Alter tëscht 45 a 74 Joer.
2027 gëtt de Broschtkriibslaf vun "Europa Donna Lëtzebuerg" um Samschdeg, 2.Oktober organiséiert.
