De gebiertege Stater Jim Penning war zanter iwwer 60 Joer Affekot, spezialiséiert op Droit Civil a Geschäftsrecht an huet säi Cabinet no sengen Etüden zu Paräis 1966 gegrënnt.
De Maître Jim Penning war awer wäit méi wéi “nëmme” Jurist, mee ënnert anerem passionéierte Museker a genee wéi de Gaston Vogel en Amateur vun de Leit, der Konscht an der Kultur aus dem asiatesche Raum.
Iwwer 15 Joer laang war de Jim Penning - deen och Hindi geschwat huet - indesche Generalkonsul fir de Grand-Duché an och Grënner vun der indescher Chambre de Commerce hei am Land.
De Museksamateur a Philanthrop war och Matbegrënner vum Blues and Jazz Club, mat Siège am Sang a Klang am Pafendall, war laang Joren am Conseil vum Festival d’Echternach grad wéi Member am Verwaltungsrot vun Handicap International.
De Jim Penning war och e grousse Frënd vum Franz Liszt. E war an der Liszt Society, huet Konferenzen iwwert e ginn a wollt esouguer an der Stad eng Liszt-Statu opriichte loossen, well deen am Stater Casino säi leschte Concert ginn hat ...
