Eng Policepatrull ass direkt op d’Plaz gefuer an huet zwee Männer virfonnt, déi amgaange waren, sech ze zerschloen. Béid Männer goufe vun de Beamte getrennt. An där Zäit wier en drëtte Mann ze héiere gewiescht, sou d’Police. Dësen huet gebierelt a wollt aner Leit schloen. Donieft koum nach eraus, dass nach ee weidere Mann, deen och an der Géigend war, un der Kläpperei bedeelegt war.
Zwee vun de Sträithammele koumen no enger Éischtversuergung an d’Spidol, dobäi konnt een no engem kuerzen Traitement eraus a koum mat deenen aneren zwee Männer op de Policebüro. De Parquet gouf informéiert an et gouf géint sämtlech Bedeelegt protokolléiert. Zwee vun de véier Männer koumen zousätzlech nach zur Ausniichterung an Arrest.
