Am Exekutivcomité vun der CGJL huet de Mathis Godefroid déi Decisioun domadder begrënnt, datt hie Member vun enger politescher Partei ass a bei den nächste Wale kandidéiere wäert. Eisen Informatiounen no kandidéiert de Mathis Godefroid bei de Piraten, bei de Chamberwalen am Bezierk Zentrum a bei de Kommunalwalen an der Gemeng Hesper.
D‘Jugendkonferenz organiséiert elo eng extraordinär Member-Reunioun. Bis dohinner iwwerhëlt de Charles Majerus déi lafend Geschäfter.
