Mir rekrutéierenRTL Lëtzebuerg sicht no engem Entwéckler fir digital Medien (CDI)

Dat wär ouni fachmännesch konzipéiert, entwéckelt a gefleegte Plattformen net méiglech - a genee dofir siche mir no Ärem Profil.

Mat dem kontinuéierlechem Wuesstem vun eiser Produktoffer an eiser Online-Presenz ass et un der Zäit, eis digital Entwécklerekipp ze erweideren. Mir sichen no enger Persoun mat Erfarung an der Entwécklung, déi souwuel selbststänneg wéi och als Deel vun eisem Team schaffe kann an dobäi souwuel Virgaben erfëllen, wéi och innovativ Léisungen an Usätz virschloe kann.

Dir wäert Deel vun engem genee esou erfuerenen Team sinn, dat scho besteet, an Dir wäert eis wärend enger spannender Zäit vu Verännerung an Innovatioun bäitrieden, vue datt mir grad dobäi sinn, eng sëllegen nei Back- a Front-End-Léisungen ze entwéckelen an ze implementéieren.

Är Aufgaben

• Entwécklung a Maintenance vu stabille mobillen Applikatiounen an Internetsitte mat React / React Native.

• Enk Zesummenaarbecht mat Backend-Entwéckler, fir eng reiwungslos Integratioun vu Frontend-Komponenten.

• Schreiwe vu propperem a liicht ze ënnerhalendem Code.

• Feelerbehiewung, Feelersich a schnell Problemléisung, fir eng optimal Leeschtung vun eisen Applikatiounen an Internetsitten ze garantéieren.

• Iwwer technologesch Trends a Fortschrëtter um Lafende bleiwen, fir sécherzestellen, dass eis Léisungen innovativ a kompetitiv bleiwen.

Är Profil

Dës sinn alles Grondviraussetzunge fir dës Positioun.

• 0-3 Joer Erfarung mat JavaScript-Entwécklung a gutt Kenntnisser vu React a React Native.

• Gutt Kenntnisser vu Webtechnologien, inklusiv Javascript (ES6+), HTML, CSS (SASS) a PHP.

• Vertrautheet mat Datebanken (SQL) a RESTful API-Integratioun.

• Fäegkeet, Iddien a Konzepter kloer ze kommunizéieren an ze diskutéieren.

• Erfarung am Ëmgang mat Git an engem Aarbechtsëmfeld.

• Fléissend Engleschkenntnisser (a Schrëft a Sprooch) gi virausgesat, Franséisch- a Lëtzebuergeschkenntnisser si vu Virdeel.

Zousätzlech Fäegkeeten

Dës si vu Virdeel, mee net virausgesat.

• Grondleeënd Kenntnisser vun Docker a Kubernetes.

• Erfarung mat Next.js.

• Erfarung mat Swift a Kotlin.

• Erfarung mat Systemer zur kontinuéierlecher Integratioun a Bereetstellung.

Kléngt dat no Iech? Mellt Iech hei!

Affichéiert sech de Formulaire net richteg? Klickt hei.