E Freideg huet den LCGB matgedeelt, dass d’Personaldelegatioun e Sozialplang mat der Direktioun vum Produzent vun Zännimplantater ausgehandelt huet. Et bleift zwar fir den Ament nach ëmmer bei 28 vun den annoncéierten Entloossungen, d’Gewerkschaft hofft awer, datt dës Zuel nach erofgoe kann, well all betraffene Salarié eng Plaz am Grupp proposéiert krut, zu deem Anthogyr gehéiert. Den LCGB wëll, eegenen Aussoen no, donieft d’Mataarbechter op der Sich no enger neier Plaz ënnerstëtzen.
