Am Éislek, méi genee an der Gemeng Wäiswampech, mécht dës nei Apdikt hir Dieren op. Dëst confirméiert d’Gesondheetsministesch Martine Deprez am DP-Norddeputéierten André Bauler an enger parlamentarescher Äntwert.
Well et vill Dokteschcabineten an der Gemeng Wampech ginn, a wëll ëmmer méi Leit an d’Gemeng un der Nordspëtzt wunne kommen, géif sech dës nei Konzessioun justifiéieren, sou d’CSV-Ministesch.
D’Konzessioun gëtt lo mol ausgeschriwwen. D’Kandidate kënne sech mellen, sou datt nach keen Delai fir déi nei Apdikt an der Gemeng Wampech ka genannt ginn. Wat dëst fir d’Horairë vun de Gardë vun den Apdikten am Éislek bedeit, kann d’Ministesch net soen. Dëst ass d’Charge vum Apdiktesch-Syndikat.
