Déi wirtschaftlech Perspektive fir dëst Joer am Handwierk bleiwe préoccupant, dat schreift d’Chambre des métiers e Mëttwoch de Moien.
Et gëtt weider un eng anti-zyklesch Approche appelléiert bei ëffentlechen Ausschreiwungen an un eng Adaptatioun vun de Banke-Konditiounen, fir de Secteur ze stabiliséieren.
D’Zuel vu Faillitten a Betriber, déi fräiwëlleg opgehalen hunn, hätt am Laf vum leschte Joer e Rekord-Niveau erreecht.
Besonnesch däischter geséich et weiderhin an der Constructioun aus. Zanter Enn 2022 geet d’Zuel vun Aarbechtsplazen do kontinuéierlech zeréck. Déi staatlech Initiativ fir d’Vente vu VEFAen ze stimuléieren, géif just ganz lues Friichten droen.
