"Ech wëll net nëmme méi den Douanier sinn, deen iwwerrannt gouf"
De Steve Nothum gouf am Déngscht iwwerrannt, huet sech aus dem Koma missen zréck an d'Liewe kämpfen, an awer wëll hien net, datt dat hien definéiert.
De 17. Oktober 2013 huet dem Steve Nothum säi Liewe verännert. Den Douanier war Member vun engem Dispositif vum Drogendéngscht, deen op der Aire de Capellen Kontrolle gemaach huet. Een Auto ass net stoe bliwwen an huet sech och net vun engem Pickeband ophale gelooss. De Chauffeur huet dobäi de Steve iwwerrannt.
Fir den Douanier huet domat eng schwéier Zäit ugefaangen. Hien huet sech no engem Mount am Koma erëm missen an d'Liewen zeréckkämpfen an e Prozess um Gericht iwwer néng Joer missen iwwer sech ergoe loossen. Och wann d'Hëllef vu Famill a Mataarbechter grouss war, hunn Existenzängscht de Steve Nothum ëmmer erëm zeréckgehäit. Bis hien endlech seng nei Passioun fonnt huet - de Paratrap. An dat nächst Zil ass sportlech: d'Paralympics 2028 zu Los Angeles.
De ganze Reportage gesitt Dir e Sonndeg um 19 Auer op der Tëlee an duerno och hei am Replay. All d'Episode vu "Mäi Wee" fannt Dir op RTL Play.
